निमावि शिक्षक विज्ञापन २०८२/८३ — ५०२ पद खुल्यो, दरखास्त दिने अन्तिम मिति कहिले हो?

निम्नमाध्यमिक तहको शिक्षकको रिक्त दरबन्दी लामो समयदेखि भरिएको थिएन, यसपालि एकैसाथ ५०२ पद खुलेको छ। शिक्षक सेवा आयोगले २०८२ चैत्र २४ मा यो विज्ञापन प्रकाशित गरेको हो।

तपाईंसँग निमावि तहको अध्यापन अनुमतिपत्र छ र योग्यता पुगेको छ भने, दरखास्त दिने अन्तिम मिति हेर्नुस् र तयारी सुरु गर्नुस्। तल योग्यता, कागजात, online आवेदन प्रक्रिया, परीक्षाको ढाँचा, प्रदेशगत पद विवरण र तयारीको सुझाव सबै छ।

Summary

विज्ञापन मिति	२०८२ चैत्र २४
कुल रिक्त पद	५०२
दरखास्त दिने अन्तिम मिति	२०८३ वैशाख २३ (राति ११:५९ सम्म)
लिखित परीक्षा (सामान्य) मिति	२०८३ जेठ २३, शनिबार, दिउँसो १:०० बजे
दरखास्त दस्तुर	रु. ७०० (समावेशी समूहका लागि रु. ५०० थप)
न्यूनतम योग्यता	सम्बन्धित विषयमा कक्षा १२ + १० महिने शिक्षा तालिम
अध्यापन अनुमतिपत्र	निम्नमाध्यमिक तहको स्थायी अनुमतिपत्र अनिवार्य
दरखास्त दिने ठाउँ	online.tsc.gov.np

दरखास्त दिने अन्तिम मिति कहिले हो?

दरखास्त दिने अन्तिम मिति २०८३ वैशाख २३ गते राति ११:५९ सम्म हो। लिखित परीक्षा (सामान्य) भने २०८३ जेठ २३ गते, शनिबार, दिउँसो १:०० बजे हुनेछ।

• विज्ञापन प्रकाशित मिति: २०८२ चैत्र २४ गते।
• दरखास्त दिने अन्तिम मिति: २०८३ वैशाख २३ गते राति ११:५९ सम्म। डबल दस्तुर: २०८३/०१ /३० सम्म
• लिखित परीक्षा (सामान्य) हुने मिति: २०८३ जेठ २३ गते, शनिबार, दिउँसो १:०० बजे।

कुन विषयमा कति पद छ?

कुल ५०२ पदमा ७ वटा विषय छन्। नेपाली विषयमा सबैभन्दा बढी, १०९ पद। गण्डकी प्रदेशमा लगभग हरेक विषयमा धेरै पद छ। सम्भवतः लामो समयदेखि रिक्त रहेका दरबन्दी एकसाथ भर्ना गर्ने प्रयास हो।

क) नेपाली — जम्मा १०९ पद

प्रदेश	खुला	महिला	आ.ज./जनजाति	मधेशी/तराई	दलित	अपाङ्ग	पि.क्षे.	जम्मा
कोशी	१३	४	४	३	१	१	१	३२
मधेश	१	१	०	०	०	०	०	३
वागमती	९	२	२	२	०	१	०	१७
गण्डकी	२९	५	५	४	१	१	१	२९
लुम्बिनी	४	१	१	१	१	०	०	९
कर्णाली	२	१	१	०	०	०	०	४
सुदूरपश्चिम	३	१	०	१	०	०	०	५
जम्मा	५७	१५	१४	११	३	३	२	१०९

ख) अङ्ग्रेजी — जम्मा १५३ पद

प्रदेश	खुला	महिला	आ.ज./जनजाति	मधेशी	दलित	अपाङ्ग	पि.क्षे.	जम्मा
कोशी	२२	५	४	१	१	१	१	४०
मधेश	३	१	०	०	१	०	०	६
वागमती	१०	२	१	०	२	१	०	२०
गण्डकी	२९	५	०	१	५	४	१	४३
लुम्बिनी	१०	२	१	०	२	२	०	१९
कर्णाली	६	१	१	०	१	०	०	११
सुदूरपश्चिम	७	१	१	०	२	१	०	१४
जम्मा	८७	१७	८	२	१४	९	२	१५३

ग) गणित — जम्मा १२१ पद

प्रदेश	खुला	महिला	आ.ज.	मधेशी	दलित	अपाङ्ग	पि.क्षे.	जम्मा
कोशी	११	५	१	०	२	२	०	२५
मधेश	०	१	०	०	१	०	०	३
वागमती	११	३	०	१	२	२	०	२४
गण्डकी	१३	३	१	१	७	१	२	३४
लुम्बिनी	८	२	१	०	२	१	०	१७
कर्णाली	६	२	०	०	२	०	०	९
सुदूरपश्चिम	६	२	०	०	२	०	०	९
जम्मा	५१	१८	३	२	१८	६	२	१२१

घ) विज्ञान — जम्मा १०६ पद

प्रदेश	खुला	महिला	आ.ज.	मधेशी	दलित	अपाङ्ग	पि.क्षे.	जम्मा
कोशी	१६	४	१	०	३	२	१	३१
मधेश	४	१	०	०	१	१	०	८
वागमती	९	२	०	१	२	१	०	१७
गण्डकी	१८	४	०	१	४	१	१	३३
लुम्बिनी	४	१	१	०	१	१	०	९
कर्णाली	१	१	०	०	२	०	०	४
सुदूरपश्चिम	१	१	०	०	२	०	०	४
जम्मा	५३	१४	२	२	१५	६	२	१०६

ङ) सामाजिक अध्ययन — जम्मा ९६ पद

प्रदेश	खुला	महिला	आ.ज.	मधेशी	दलित	अपाङ्ग	पि.क्षे.	जम्मा
कोशी	१६	४	१	०	३	१	१	३०
मधेश	३	१	०	०	१	०	०	६
वागमती	११	२	०	०	२	१	०	२०
गण्डकी	१२	३	०	०	२	१	१	२५
लुम्बिनी	५	१	१	०	१	१	०	१०
कर्णाली	१	०	०	०	०	१	०	२
सुदूरपश्चिम	१	१	०	०	१	०	०	३
जम्मा	४९	१२	२	०	१०	५	२	९६

च) गणित विज्ञान र संस्कृत

विषय	प्रदेश	खुला	महिला	जम्मा
गणित विज्ञान	सबै	३२	२३	९३
संस्कृत व्याकरण (२०)	गण्डकी	१	१	२
संस्कृत भाषा (२१)	गण्डकी	१	–	१

के म यो परीक्षामा दरखास्त दिन योग्य छु?

तपाईं योग्य हुनुहुन्छ कि छैन भन्ने थाहा पाउन सबैभन्दा पहिले एउटा मात्र कुरा हेर्नुस्: तपाईंसँग निम्नमाध्यमिक तहको स्थायी अध्यापन अनुमतिपत्र छ? त्यो छैन भने बाँकी सबै कुरा हेर्नु जरुरी छैन। अनुमतिपत्र नभई दरखास्त स्वीकार हुँदैन।

अनुमतिपत्र छ भने, बाँकी योग्यता यस्तो छ: सम्बन्धित विषयमा कक्षा १२ उत्तीर्ण (न्यूनतम २०० पूर्णाङ्क वा ५ क्रेडिट आवर) गरी १० महिने शिक्षा तालिम पूरा गरेको हुनुपर्छ। उमेर हद: दरखास्त दिने अन्तिम मितिसम्म १८ वर्ष पूरा भई ४० वर्ष ननाघेको। बहालवाला स्थायी शिक्षकलाई उमेर हदको बाधा छैन।

यहाँ धेरैले अलमल खाने ठाउँ छ। तलका प्रश्नहरू मसँग धेरैले सोध्छन्।

B.Ed गरेको छु, के यो नै तालिम हो?

हो, B.Ed लाई नै शिक्षा तालिम मानिन्छ। छुट्टै १० महिने तालिम खोज्नु पर्दैन। तपाईंको B.Ed नै पर्याप्त हो।

मेरो तालिम माबि तहको हो, के निमावि परीक्षामा चल्छ?

माबि तहको अनुमतिपत्र लिएर निमावि परीक्षा दिन मिल्छ।

म राहत शिक्षक हुँ, के मलाई उमेर हदको छुट छ?

राहत शिक्षकलाई उमेर हदको छुट छैन। छुट केवल बहालवाला स्थायी शिक्षकलाई मात्र हो। तपाईं ४० वर्ष नाघिसक्नुभएको छ भने दरखास्त दिन मिल्दैन।

म दुई समावेशी समूहमा पर्छु, के दुवैमा दरखास्त दिन पाइन्छ?

एउटा विज्ञापन नम्बरमा एकैपटक दुई समूहमा दरखास्त दिन पाइँदैन। तपाईं जुन समूहमा बढी सुविधा पाउनुहुन्छ, त्यो छनोट गर्नुस्। तर एउटा विज्ञापन नम्बर र अर्को विज्ञापन नम्बरमा छुट्टाछुट्टै दरखास्त दिन भने मिल्छ।

दरखास्त दिन के-के कागजात चाहिन्छ?

दरखास्त दिन तपाईंले online system मा तलका कागजात scan गरेर upload गर्नुपर्छ। सबै कागजात JPEG/JPG format मा हुनुपर्छ र प्रत्येक फाइल २०० KB भन्दा बढी हुन हुँदैन।

कागजात	विवरण
नागरिकताको प्रमाणपत्र	अगाडि र पछाडि दुवै
हालसालै खिचिएको फोटो	पासपोर्ट साइज, सेतो background, ३ महिनाभित्रको
दस्तखत नमुना	सेतो कागजमा गरेको
शैक्षिक योग्यताको ट्रान्सक्रिप्ट	कक्षा ११ र १२ को विषय कोड सहित (अनिवार्य)
तालिमको प्रमाणपत्र	B.Ed वा १० महिने तालिमको प्रमाणपत्र
अध्यापन अनुमतिपत्र	निम्नमाध्यमिक तहको स्थायी अनुमतिपत्र
समावेशी समूहको कागजात	लागू भएमा मात्र (जात प्रमाणपत्र, अपाङ्गता परिचयपत्र आदि)

एउटा कुरा ध्यान दिनुस्: ट्रान्सक्रिप्टमा विषय कोड देखिनुपर्छ। कतिपयले मार्कशिट मात्र upload गर्छन् तर विषय कोड नभएकाले दरखास्त अड्किन्छ। कक्षा ११ र १२ दुवैको ग्रेडसिट upload गर्दा विषय कोड सहितको नै अपलोड गर्नुस्।

Online दरखास्त कसरी दिने?

तपाईंले online.tsc.gov.np मा गएर दरखास्त दिनुपर्छ। पहिलो पटक दरखास्त दिनेले account बनाउनुपर्छ। अघिल्लो पटक TSC मा account बनाइसक्नुभएको छ भने, त्यही account बाट login गर्न मिल्छ।

1. online.tsc.gov.np मा जानुस् र login गर्नुस् वा नयाँ account बनाउनुस्।
2. आफ्नो विज्ञापन नम्बर छनोट गर्नुस् र फाराम भर्नुस्।
3. माथि उल्लेख गरिएका कागजात JPEG/JPG format मा (प्रत्येक २०० KB भित्र) upload गर्नुस्।
4. सबै विवरण राम्ररी जाँच गर्नुस्। submit गरेपछि edit गर्न मिल्दैन।
5. दरखास्त दस्तुर तिर्नुस्। eSewa, Khalti वा राष्ट्रिय/नेपाल बैंकको online payment बाट तिर्न सकिन्छ। Bank voucher print गरेर बैंकमा गएर पनि तिर्न मिल्छ।
6. Payment confirm भएपछि दरखास्त submit हुन्छ। तपाईंको email वा SMS मा पुष्टि आउँछ।
7. आफ्नो Candidate ID र password सुरक्षित राख्नुस्। प्रवेश पत्र डाउनलोड गर्न पछि यही चाहिन्छ।

दरखास्त submit गरेपछि account मा login गरेर application status हेर्न सकिन्छ। प्रवेश पत्र परीक्षाभन्दा केही दिनअघि TSC ले website मा publish गर्छ, त्यसपछि तपाईंले आफ्नो account बाट download गर्न पाउनुहुन्छ।

परीक्षा केन्द्र कहाँ हुन्छ?

तपाईंले जुन प्रदेशबाट दरखास्त दिनुहुन्छ, परीक्षा त्यही प्रदेशको मुख्य जिल्लामा हुन्छ। एउटा प्रदेश र एउटा विषयमा मात्र दरखास्त दिन मिल्छ, किनकि परीक्षा सबै प्रदेशमा एकैसाथ हुन्छ।

• कोशी: मोरङ
• मधेश: धनुषा
• वागमती: मकवानपुर
• गण्डकी: कास्की
• लुम्बिनी: दाङ
• कर्णाली: सुर्खेत
• सुदूरपश्चिम: कैलाली

आवेदक धेरै भए अर्को जिल्लामा पनि केन्द्र थप्न सक्छ। आफ्नो केन्द्र नक्सामा हेर्न TSC परीक्षा केन्द्र लोकेशन चेकर प्रयोग गर्नुस्।

परीक्षाको ढाँचा कस्तो हुन्छ?

परीक्षा दुई चरणमा हुन्छ: पहिले लिखित परीक्षा (सामान्य र विषयगत), त्यसपछि लिखित उत्तीर्ण गर्नेहरूको अन्तर्वार्ता।

विवरण	लिखित (सामान्य)	लिखित (विषयगत)	अन्तर्वार्ता
पूर्णाङ्क	१०० अंक	१०० अंक	१५ अंक
उत्तीर्णाङ्क	न्यूनतम ४०%	न्यूनतम ४०%	न्यूनतम ५०%
प्रश्न प्रकार	बहुविकल्पीय (MCQ)	बहुविकल्पीय (MCQ)	मौखिक
समय	४५ मिनेट	४५ मिनेट	निर्धारित

सामान्य परीक्षामा शिक्षा सम्बन्धी सामान्य ज्ञान, शिक्षण विधि, बाल मनोविज्ञान र नेपाली शिक्षा प्रणाली सम्बन्धी प्रश्न आउँछन्। विषयगत परीक्षामा तपाईंले छनोट गरेको विषयकै प्रश्न हुन्छ। दुवैमा negative marking छैन।

सामान्य परीक्षाको नतिजा प्रकाशन भएपछि मात्र विषयगत परीक्षाको मिति TSC ले थप जानकारी दिन्छ।

परीक्षाको पाठ्यक्रम र नमुना प्रश्नपत्र कहाँ पाइन्छ?

आधिकारिक पाठ्यक्रम र नमुना प्रश्नपत्र TSC को tsc.gov.np/download पेजमा उपलब्ध छ। तपाईंले आफ्नो विषय र तह छनोट गरेर download गर्न सक्नुहुन्छ।

पाठ्यक्रम download गर्दा ध्यान दिनुस्: सामान्य परीक्षाको पाठ्यक्रम सबैका लागि एउटै हो, तर विषयगत परीक्षाको पाठ्यक्रम विषय अनुसार फरक हुन्छ। दुवै download गर्नुस्।

समावेशी समूहको के व्यवस्था छ?

समावेशी समूहका लागि छुट्टै सिट छुट्याइएको छ। तपाईं तलका समूहमध्ये कुनैमा पर्नुहुन्छ भने, सोही समूहको सिटमा प्रतिस्पर्धा गर्न सक्नुहुन्छ।

समूह	चाहिने थप कागजात
महिला (साधारण)	नागरिकता पर्याप्त
महिला (दलित)	दलित जात प्रमाणपत्र
महिला (मुस्लिम)	मुस्लिम भएको प्रमाण
आदिवासी/जनजाति	NFDIN सूचीमा परेको जातिको प्रमाणपत्र, स्थानीय तहको सिफारिस
मधेशी/तराई	तराईमा बसोबास गर्ने मधेशी भएको प्रमाण, स्थानीय तहको सिफारिस
दलित	राष्ट्रिय दलित आयोगले सूचीकृत जातिको प्रमाण
अपाङ्ग	समाज कल्याण परिषदको अपाङ्गता परिचयपत्र
पिछडिएको क्षेत्र (पि.क्षे.)	निर्धारित जिल्लाको बासिन्दा भएको प्रमाण (अछाम, कालिकोट, जाजरकोट, जुम्ला, डोल्पा, बझाङ, बाजुरा, मुगु, हुम्ला)

एउटा विज्ञापन नम्बरमा एकभन्दा बढी समूहमा एकैसाथ दरखास्त दिन मिल्दैन। तपाईं दुई समूहमा पर्नुहुन्छ भने, जुन समूहमा सिट बढी छ वा प्रतिस्पर्धा कम देखिन्छ, त्यो छनोट गर्नु बुद्धिमानी हो।

परीक्षाको तयारी कहाँबाट सुरु गर्ने?

तयारी सुरु गर्न सबैभन्दा पहिले पाठ्यक्रम हेर्नुस्। पाठ्यक्रम नहेरी किताब किन्नु समय र पैसा दुवै खेर जान्छ।

सामान्य परीक्षाको तयारीका लागि यी कुरामा ध्यान दिनुस्:

• शिक्षा ऐन र शिक्षक सेवा आयोग नियमावली (मुख्य कानुनी आधार)
• बाल मनोविज्ञान र शिक्षण विधि (B.Ed मा पढेको नै हो, दोहोर्याउनुस्)
• नेपालको शिक्षा प्रणाली र राष्ट्रिय पाठ्यक्रम प्रारूप
• सामान्य ज्ञान: नेपाल र विश्वको भूगोल, इतिहास, सामयिक घटना

विषयगत परीक्षाका लागि, तपाईंको विषय जे छ, सोही विषयमा कक्षा ११ र १२ को पाठ्यक्रम राम्ररी पढ्नुस्। TSC को download section मा पुरानो प्रश्नपत्र पाइन्छ, त्यो हल गर्नाले pattern बुझिन्छ। धेरैले coaching class जाने गर्छन्, तर यो अनिवार्य छैन। घरमा एक्लै पनि राम्रो तयारी हुन्छ।

नतिजा र नियुक्ति प्रक्रिया कस्तो हुन्छ?

नतिजा र नियुक्ति प्रक्रिया यस्तो हुन्छ: लिखित परीक्षा उत्तीर्ण गरेपछि अन्तर्वार्ता हुन्छ, अन्तर्वार्तापछि TSC ले merit list प्रकाशित गर्छ, त्यसपछि नियुक्ति सिफारिस हुन्छ।

चरण	के हुन्छ
लिखित परीक्षा (सामान्य)	२०८३ जेठ २३, सबैले दिन्छन्
लिखित परीक्षा (विषयगत)	सामान्य उत्तीर्ण भएकाले दिन्छन्, मिति पछि थाहा हुन्छ
अन्तर्वार्ता	दुवै उत्तीर्ण भएकाले दिन्छन्
Merit list	लिखित (२०० अंक) + अन्तर्वार्ता (१५ अंक) = कुल २१५ अंकको आधारमा
नियुक्ति सिफारिस	TSC ले सम्बन्धित स्थानीय तह वा विद्यालयमा सिफारिस गर्छ

नियुक्ति पाएपछि तपाईंलाई तपाईंले दरखास्त दिएको प्रदेशभित्रकै विद्यालयमा पोस्टिङ हुन्छ। कुन जिल्ला वा विद्यालयमा हुन्छ भनेर अहिलेनै थाहा हुँदैन। नियुक्ति पाएपछि probation period हुन्छ, त्यो सफलतापूर्वक पूरा गरेपछि मात्र स्थायी हुन्छ।

यो निमावि विज्ञापन माबि विज्ञापनभन्दा के फरक छ?

हालै माध्यमिक तहको ४४९ पदको विज्ञापन खुलेको थियो। त्यसमा गणित र विज्ञानमा सबैभन्दा बढी माग थियो। यस निमावि विज्ञापनमा भने नेपाली विषय अगाडि छ, १०९ पद। दुवैको परीक्षा अलग हुन्छ, पाठ्यक्रम फरक हुन्छ। दुवै तहको लाइसेन्स भएका उम्मेदवारले छुट्टाछुट्टै दरखास्त दिन सक्छन्। तर परीक्षा एकै दिन एकै समयमा हुन्छ, त्यसैले दुवैमा एकसाथ बस्न मिल्दैन।

अन्त्यमा

एउटा कुरा सोझै भन्छु। गण्डकी प्रदेशमा यसपालि सबैभन्दा बढी पद छ, तर प्रतिस्पर्धा पनि त्यहीँ सबैभन्दा बढी हुन्छ। तपाईं कर्णाली वा सुदूरपश्चिम प्रदेशमा दरखास्त दिन तयार हुनुहुन्छ भने पद कम भए पनि प्रतिस्पर्धा अपेक्षाकृत सजिलो छ। यो सोचेर हेर्नुस्।

आफू योग्य छु वा छैन भन्ने मिनेटमै थाहा पाउन TSC परीक्षा योग्यता जाँचकर्ता प्रयोग गर्नुस्।

तलको कमेन्ट सेक्सनमा बताउनुस्:

• तपाईं कुन प्रदेशबाट दरखास्त दिँदै हुनुहुन्छ?
• तपाईंको मुख्य विषय कुन हो?
• तयारी सम्बन्धी कुनै प्रश्न छ भने पनि तल लेख्नुस्, जवाफ दिने प्रयास गर्छु।

शुभकामना!